TAGBILARAN CITY, Bohol, Feb. 8 (PIA) -- Ang Department of Agriculture, pinaagi sa Agricultural Credit and Policy Council (DA-ACPC) nagtanyag og Cattle Fattening Credit Program alang sa mga out-of-school youth (OSY) sa lalawigan sa Bohol.
Kining bag-ong credit program gibutyag ni Petronila Corpuz, Hepe sa Agribusiness and Marketing Assistance Division (AMAD) atol sa briefing nga gipahigayon sa representante sa ACPC ning bag-o lang.
Ang lalawigan sa Bohol maoy usa sa unom ka target nga priority provinces sa maong credit program.
Ang ubang mga prayoridad nga probinsya mao ang Ilocos Norte (Rehiyon 1), Rizal (Rehiyon IV-A), Leyte (Rehiyon VIII), Surigao Del Norte (Rehiyon XIII), ug Tawi Tawi (Rehiyon BARMM).
Aron maka-avail sa cattle loan program, ang interesadong OSY kinahanglang nag-edad og 18-24 anyos, adunay maayong pamatasan, andam manghulam ug mohimo ug livestock raising business ug nakaagi na sa pagbansay-bansay sa pagbuhi sa baka.
Ubos sa loan features, ang usa ka kwalipikadong OSY mahimong maka-avail og taman sa P 200,000 alang sa pagpalit sa mga tigpatambok sa baka, pagtukod og livestock housing ug alang sa binuwan nga sweldo ug suholan sa unang tuig nga operasyon.
Aduna kini usa ka tinuig nga rate sa interes (sa nagkagamay nga balanse) ug usa ka bayad sa serbisyo ug bayran sa sulod sa 5 ka tuig nga adunay usa ka tuig nga grace period sa bayad sa prinsipal.
Ang maong briefing gitambongan sa pipila ka personahe sa DA7, Agricultural Training Institute (ATI), Philippine Crop Insurance Corp. (PCIC) ug Bohol Province Veterinary Office (PVO).
Ang mga interesadong OSY sa Bohol mahimong mobisita sa PVO alang sa mga update sa credit loan program. (ECB/PIA7 Bohol)
Comments
Post a Comment