MANILA, November 9 (PIA) -- Si Presidente Ferdinand R. Marcos Jr. nisubli niadtong Miyerkules sa panawagan sa administrasyon sa paghimo sa climate change nga usa ka mahinungdanong bahin sa nasudnong mga palisiya ingon nga nanawagan sa katawhang Pilipino nga moduyog sa gobyerno sa pagpalig-on sa disaster preparedness, recovery ug resiliency sa nasud.
“We must make sure that we apply our knowledge on climate change to every plan, to every decision, and initiative so we can build stronger and more resilient communities.
Kinahanglan natong siguroon nga atong gamiton ang atong kahibalo sa climate change sa matag plano, sa matag desisyon, ug inisyatiba aron makatukod kita og mas lig-on nga mga komunidad,” si Presidente Marcos miingon sa iyang pakigpulong atol sa ika-10 nga Yolanda Commemoration Anniversary sa syudad sa Tacloban.
Ang Presidente mipasalig nga ang administrasyon kanunay nga maningkamot sa pagsiguro nga ang mga epekto sa mga natural nga kalamidad sama sa super typhoon Yolanda, maminusan pinaagi sa mas konkretong plano sa pagbag-o sa klima.
Sa pagkatinuod, si Presidente Marcos miingon nga ang gobyerno nagpadayon sa pagtukod sa mga disaster-resilient evacuation ug emergency operations centers, ug nagbutang ug mas sentralisado ug episyente nga early warning system, incident command systems, ug disaster response strategies.
Ang Presidente midugang nga ang deployment sa bag-ong mga teknolohiya, sama sa GeoRiskPH ug PlanSmart uban sa padayon nga pagpahigayon sa impormasyon ug edukasyon nga mga kampanya ug simulation drills mapuslanon usab sa pagluwas sa mga kinabuhi.
Gi-awhag sa Presidente ang mga lungsoranon nga Pilipino nga makig-uban sa gobyerno sa paghanduraw, pagdamgo ug pagtrabaho alang sa pagtukod sa usa ka mas maayo nga "New Philippines" sa pagpasidungog sa mga mitaliwan ug alang sa kaayohan sa umaabot nga mga henerasyon." (ECB/PIA7-Bohol)
Comments
Post a Comment