TAGBILARAN CITY, Bohol, October 20 (PIA) -- Lain na usab nga 500 ka ektarya nga basakan pohon ang kaalagaran kay anaa na sa 98.44% ang over-all physical accomplishment sa Mabini-Cayacay Small Reservoir Irrigation System (SRIP) nga moalagad sa kalungsuran sa Mabili ug Alicia.
Ang gamay nga dam nga magpundo sa tubig nga gikan sa Baujanan ug Cawasan Creeks, gisugdan niadtong 2011 ug gipaglantawan nga makapasanap sa kabasakan nga moabut sa 530 ka ektaryas sa duha ka mga lungsod, segun pa sa taho ni Engr Evelina Putong, ang National Irrigation Administration (NIA) 7 Bohol Integrated Irrigation System Head, atul sa pagbisita opisina sa mga sakop sa Association of United Development Information Officers sa Benliw SRIP, niadtong nilabay nga semana.
Ang dam, segun pa sa project profile sa NIA-7, may potensyal nga makahatag og serbisyo sa 320 ka mga mag-uuma sa mga nahisgutang lungsod nga alagaran unya sa patubig.
Apan, dugang pagpasabut ni Putong nga sa hisgutanan sa pagconstruct sa pasilidad sama sa dams, dako pa gihapon og abton sa oras ang 2% nga trabahoon, mga nga mahimong karong tuiga na o sa sunod tuig pa ma inagurahan ang nasampit nga dam alang sa pagpatubig sa basak.
Una nga gi-propose nga mokabat sa P725 milyones, ang nagkasaka nga presyo sa mga materyales sa konstraksyon nagpasaka usab sa presyo niini ngadto sa P833,400,000 sa pagka-karon.
Gipadayag usab sa NIA ang ilang trabaho sama sa pagpatukod og mga pag-ugmad sa mga umahan pinaagi sa pagpatubig, pagpadaku sa ani ug sa kita na unya sa mga mag-uuma ilabi na kadtong anaa duol sa mga project areas.
Gawas pa niana, nagtuo ang NIA nga ang pagpahimutang sa abag sa panguma, makapaugmad sa kinabuhi sa katawhan ug kini maoy makatampo sa kaugmaran usab sa ilang kahimtang sa mga barangay didto.
Kasagaran nga mga patubigan, may magpasugod na usab sa pagpabukas sa mga kadalanan aron mas mapasayon sa mga mag-uuma ang pagdtmod sa ilang kita ngadto sa mga merkado, ug pagpasayon usab sa pagtaboktabok sa mga makinarya sa panguma. (RAHC/PIA-7/Bohol)
Comments
Post a Comment