TAGBILARAN CITY, Bohol, Nov. 9 (PIA) -- Gipalig-on sa Department of the Interior and Local Government (DILG) ug ang Securities and Exchange Commission (SEC) ang ilang tinabangay sa pakigbatok sa online scams.
Kini dihan nga si DILG Kalihim Benjamin Abalos Jr. ug SEC chairperson Emilio Aquino milagda og memorandum of agreement alang sa maong lakang sa SEC main office sa syudad sa Makati niadtong Nobyembre 7, ang DILG nipahibalo niadtong Miyerkules.
Ubos sa kasabotan, suportahan sa DILG ang kampanya sa SEC batok sa financial scams, partikular na ang Anti-Scam and Illegal Taking of Investments Group (ASTIG) sa ahensya.
Si Abalos nagkanayon nga kini nga panagtambayayong tukma sa panahon tungod kay kinahanglan nga itudlo sa publiko ang kabahin sa paspas nga pagdaghan sa hulga sa mga pagpanglimbong sa pamuhonan.
Sa pagkutlo sa datos gikan sa Philippine National Police-Anti Cybercrime Group (PNP-ACG), ang hepe sa DILG miingon nga mokabat sa 8,000 ka mga biktima sa online scam ang nawad-an na og P155 milyones sa mga mangingilad gikan sa Enero hangtod Agosto ning tuiga.
Ang SEC ug DILG magtinabangay aron sa pagsangkap sa mga Pilipino sa kahibalo sa pinansyal nga mga prinsipyo ug sa paglikay sa mga lit-ag ug mga teknik sa investment scam.
Kini nga mga paningkamot modala ngadto sa sayo nga pagtaho ug pag-ila sa bisan unsang ilegal nga pinansyal nga mga laraw.
Si Aquino nagkanayon nga ang DILG, isip overseer sa mga operasyon sa local government units, magsilbi nga labing maayo nga link sa edukasyon ug proteksyon sa mga mamumuhonan sa grassroots level. (ECB/PIA7-Bohol)
Comments
Post a Comment