MANILA, August 1 (PIA) -- Gidasig ni Presidente Ferdinand R. Marcos Jr. ang tanan sa pagpasalamat sa gahom sa pinulongang Filipino nga nagsilbing tulay sa panaghiusa ug gugma sa katawhan.
Gipasiugda ni Presidente Marcos sa iyang mensahe alang sa pagsaulog sa "Buwan ng Wikang Pambansa" ang kamahinungdanon sa pinulongang Filipino, kabilin ug kultura nga nagbugkos sa usag-usa sa pag-uswag isip usa ka nasud.
“Sa pagkakataong ito, ating bigyang-pansin ang kapangyarihan ng wika hindi lamang sa pagbuo ng ating kaisipan at paraan ng komunikasyon, kundi pati na rin sa pagkintal ng ating patuloy na pagsulong at pagdala ng kolektibong karunungan sa bawat henerasyon,” matud pa ni Pangulong Marcos.
Gidugang sa Pangulo nga pinaagi sa pinulongang Filipino, atong ipadayag ang mga istorya ug kasinatian nga mahimong lig-on nga pundasyon sa atong kalamboan.
Gidasig usab sa Presidente ang matag lungsoranon sa pagpakita sa ilang nagdilaab nga gugma sa nasud sa ilang paagi aron ang pinulongan ug kulturang Filipino mopatigbabaw sa pagporma sa pagkatawo sa matag Pilipino.
“Bilang mga Pilipino, ating yakapin ang diwa ng pagkakaisa at pagiging makabayan sa ating patuloy na pagpanday ng ating inaasam na dalisay na Kinabukasan. Muli, maligayang Buwan ng Wikang Pambansa sa ating lahat!” matud pa sa Pangulo.
Gihatagan usab og gibug-aton sa punong ehekutibo ang katam-is sa kapin sa usa ka tuig nga kalampusan ug ang kadasig sa katawhang Pilipino alang sa panaghiusa taliwala sa mga hagit nga giatubang sa nasud.
Ubos sa Proclamation No. 1041, s. 1997, ang "Buwan ng Wikang Pambansa" gisaulog matag Agosto 1-31 ubos sa pagpangulo sa Komisyon sa Wikang Filipino (KWF).
Ang obserbasyon sa “Buwan ng Wikang Pambansa” karong tuig nagdala sa temang “Filipino at mga Katutubong Wika: Wika ng Kapayapaan, Seguridad, at Ingklusibong Pagpapatupad ng Katarungang Panlipunan.” (ecb/PIA7-Bohol)
Comments
Post a Comment