Inihap nang mga adlaw sa mga tikasan - PBBM

 

TAGBILARAN CITY, Bohol, July 25 (PIA) -- Inihap na ang mga adlaw sa mga tikas an nga smugglers ug hoarders, kini maoy gipadayag ni Presidente Ferdinand Marcos Jr., atul sa iyang ika duha nga State of the Nation Address (SONA) Hulyo 24, didto sa Batasan Hills.

Niini usab, gipatin-aw ni Presidente Ferdinand Marcos Jr., ang iyang pagbatok sa mga smugglers ug kadtong tuyo nga magtipig sa mga produkto sa uma aron madiktaran niini ang presyo sa mercado.

Kini, human usab nasinati sa nasud ang nagsunod nga pagsuway sa mga negosyante sa paggapus sa ekonomiya pinaagi sa illegal nga pagpasulod sa mga bugas ug ang pagtipig sa sebuyas puwa, aron pasulbongon ang presyo sa nagkadaghan nga nanginahanglan nga dili masilbihan sa produktong gipugngan.

Ang nakaparat, kay kini nakita sa mga naniid nga paghagit sa Presidente, kinsa maoy Kalihim sa Agrikultura, ug kang kinsa nga ahensya maoy gitumbok nga suwayan og butang sa kompromiso.

Usa sa mga kina-ingnan sa pagtaas sa presyo mao ang mga smugglers, mga hoarders ug kadtong nagmanipula sa presyo sa mga produktong agricultural, matud sa Presidente atul sa iyang ika usa ka tuig human siya mapili nga pagulo sa nasud.

Gukdon nato ug isumbong nato sila, pasalig sa Presidente human ang tinuok nasud ming ping-it sa kapait diha nga nabalitaan nga nimahal ang sebuyas ug ang abono.

Tataw kaayo nga dili gyud sakto ang ilang gibuhat ug wala gayud kini mohaum sa atong mga nindot nga mga katuyuan, dayag ni Presidente Marcos.

Tikas kining ilang gibuhat, saysay sa presidente.

Tungod niining dili maayo nga buhat, nahimutang sa alanganin, dili lamang ang mga mag-uuma, kon dili lakip na usab ang mga nagsalig sa pagpalit alang sa ilang mga panginahanglan sa pagkaon.

Dili  kita makatugot niini nga pamaagi, mao nga alang sa mga smugglers, hoarders og nangawkaw sa patigayon sa produktong gikan sa umahan.

Inihap na ang mga adlaw sa smuggler ug nga hoarders, matud sa Presidente. (RAHC/PIA7 Bohol)