TAGBILARAN CITY, Bohol, June 6 (PIA) -- Gipangunahan ni Presidente Ferdinand R. Marcos Jr. ang paglusad niadtong Lunes sa commemorative coin alang sa kasaulogan sa ika-125 nga anibersaryo sa Philippine Independence and Nationhood (APIN) sa Malacañang.
Sa iyang pakigpulong atol sa kalihokan, ang Presidente, uban ni Bangko Sentral ng Pilipinas (BSP) Gobernador Felipe Medalla, miingon nga ang paglusad mahinungdanon kaayo nga nag-ingon nga sa tinuod nga diwa, ang pagtukod sa usa ka pormal nga kwarta sa bisan unsang nasud kabahin sa kahulogan sa pagka-soberano nga nasud.
“And that’s why we have to see it not just a very, very souvenir but really a commemoration of the creation of the Republic of the Philippines. And it’s entirely appropriate that I have never seen coins like this before
Ug mao nga kinahanglan natong tan-awon kini dili lang usa ka maayo kaayo nga souvenir kon dili usa gayod ka paghandom sa pagkamugna sa Republika sa Pilipinas. Ug kini hingpit nga angay diin wala pa nako makita og mga sensilyo nga sama niini kaniadto,” matud pa ni Marcos.
Ang Presidente nagkanayon nga kini nagpasabot usab sa kasamtangan nga lebel sa teknolohikal nga pag-uswag sa Pilipinas, nga nag-ingon nga naa na kita karon sa unahan ug mogamit sa labing maayo nga mga teknolohiya, labing maayo nga mga teknik, tanan nga maayo ug bag-o alang sa atong nasud.
Gidugang niini nga wala lang ni magpasabot nga ika-125 na kini nga anibersaryo sa Independence Day, apan nagpahinumdom usab kini kanato kung unsa ka layo ang atong naabot ug ang kamahinungdanon sa atong nakab-ot sulod sa 125 ka tuig.
Ang BSP mi-isyu sa sensilyo nga gitakda nga adunay 100-Piso, 20-Piso ug 5-Piso nga denominasyon sa paghandum sa 1898 nga deklarasyon sa Kagawasan sa Pilipinas (100-Piso), ang pagkahimugso sa unang republika sa nasud sa Barasoain Church (20-Piso) , ug ang kaisog sa mga Pilipino nga nakigbisog alang sa soberanya sa nasud sa Philippine-American War (5-Piso).
Ang Bangko Sentral migamit sa pinakabag-o nga digital printing technology sa pagpalambo sa APIN coin set, nga nagpakita sa unang colored, non-circulation, commemorative coins nga gihimo sa BSP.
Ang BSP magpahibalo pinaagi sa ilang mga social media channels kun ang APIN coins set mahimong mabaligya. Ang coin set ibaligya sa BSP Store https://bspstore.bsp.gov.ph.
Uban sa tema nga, “Kalayaan, Kinabukasan, Kasaysayan,” ang National Historical Commission of the Philippines (NHCP) nanguna sa ika-125 nga selebrasyon sa APIn gikan sa 2023 hangtod 2026. (ECB/PIA7 Bohol)
Comments
Post a Comment