CEBU CITY, Cebu, April 14 (PIA) –- Isip pagtagana sa nagpadayun nga panahon sa ting-init, ang Department of Labor and Employment (DOLE) mi-isyu og labor advisory nga nag-mando sa mga working establishments sa pagmugna og mga safety and health measures aron sa paglikay og pakontrol sa heat stress nga posibleng masinati sa matag trabahoan.
Ang maong Advisory naglangkob sa tanan nga mga employers ug trabahoan sa pribadong sektor lakip napud ang ilang mga trabahante.
Kung diin gimandoan ang mga employer nga ipatuman ang mosunod nga mga lakang aron makunhuran ang grabeng kainit sa trabahoan:
- Pagwagtang sa kainit ug humidity sa mga trabahoan pinaagi sa epektibo nga bentilasyon ug heat insulation sa tanang lugar nga adunay mga trabahante
- Pag-adjust sa mga rest break o mga lugar sa trabaho aron tugotan ang pagkaayo gikan sa pagkaladlad sa init.
- Pagtagana sa mga uniporme nga angay sa temperatura ug personal nga kagamitan sa pagpanalipod (pananglitan, kalo, goggles nga adunay proteksyon batok sa ultraviolet rays, komportable nga light material nga long-sleeve nga shirt).
- Paghatag ug libre ug igong tubig nga mainom sa trabahoan nga adunay direktiba sa pag-inom ug labing menos duha ngadto sa tulo ka litro kada adlaw.
- Ipatuman, base sa pagtasa sa trabahoan, impormasyon, ug mga advocacy campaigns bahin sa mga sintomas ug unsaon pag-atubang sa stress sa kainit.
- Pagtukod og mga pamaagi ug mga network sa impormasyon aron matubag ang mga emerhensya nga may kalabotan sa kainit.
Ubos usab niini nga labor advisory, ang mga employers ug ang mga trabahante gitugotan sa pagsagop sa “flexible working arrangement” aron malimitahan ang pagka-expose sa grabe nga kainit ug hago nga mga kalihokan. Kini pinaagi sa pag-adjust sa oras sa trabaho samtang gipadayon gihapon ang kinatibuk-ang gidaghanon sa mga oras sa trabaho sulod sa adlaw o semana. (RGC/PIA7 Cebu)
Comments
Post a Comment