TAGBILARAN CITY, Bohol, March 15 (PIA) -- Gipangayo sa League of Municipalities of the Philippines-Bohol Chapter gikan sa nasudnong kagamhanan ang pagsuspenso una, o pag-inat sa pagpatuman sa full devolution, hangtud nga kini katun-an pa og maayo.
Pinaagi sa Resolution No. 2022-04 gikan sa LMP Bohol, gihangyo sa LMP Bohol nga dili una ipatuman ang full devolution subay sa Section 4 sa Executive Order 138, Series of 2021.
Gani, dili lamang ang Bohol LMP, kon dili lakip na usab ang Sangguniang Panlalawigan sa Bukidnon pinaagi sa Resolution No. 2022-552, nanghangyo usab ni Presidente Ferdinand R. Marcos, Jr. sa pagpahunong una sa pagpatuman sa full devolution sa mga devolved functions ngadto sa nga LGUS sa tibuok nasud.
Kini kay ang duha ka mga nahisgutang hangyo, nagtuo na ang Mandanas-Garcia Supreme Court ruling wala maglangkub sa pagpugos nga pagpatuman sa devolution sa mga functions segun sa gibasehan nga desisyon sa Supreme Court.
Matud sa secretariat sa SP, nakadawat sila sa Resolution No. 2022-04 gikan sa LMP Bohol nga giulohanan og: An appeal to the National Government to suspend or extend the implementation of full devolution set in Section 4 of Executive Order 138, Series of 2021.
Kini usab nga posisyon sa LMP Bohol susama sa Resolution No. 2022-552 sa Sangguniang Panlalawigan sa Bukidnon.
Matud pa, ang desisyon sa Korte Suprema kabahin sa Mandanas-Garcia Ruling nga naghubad sa Section 6, Article X sa 1987 Constitution nga nagpasabut sa LGU’s National Tax Allotment o NTA, o kadtong mas nailhan nga Internal Revenue Allotment.
Matud sa Korte Suprema nga ang IRA, kinahanglang nakabase sa kinatibuk-ang National Taxes, ug naglakip sa tanang buhis, balayranan ug ga pagpaningil sa Bureau of Customs ug sa ubang bahin sa National Government gikan sa nasudnong kahinguhaan ug espesyal nga mga buhisan.
Ug sanglit ang hubad sa Korte Suprema, kabahin pa lamang sa mga buhisan ug sa bahinan sa LGUs, wala pa niini mahisguti ang hisgutanan sa full devolution sa devolved functions sa mga LGUs.
Hinuon, sa panahon ni kanhi Presidente Rodrigo Duterte, nagpagawas kini sa Executive Order No. 138, Series of 2021 niadtong Hunyo 1, 2021, nga naglatid sa Full Devolution sa pipila ka mga natumbok nga functions sa Executive Branch ngadto sa Local Governments, pag-umol og Committee on Devolution ug uban pang katuyuan.
Segun sa Section 4 sa Executive Order No. 138 Series of 2021, ang mga functions, serbisyo ug pasilidad alang sa Full Devolution nagsaysay nga ang mga buluhaton, serbisyo ug pasilidad kinahanglang itugyan na ang gahum ngadto sa mga LGUS gikan sa National Government.
Gani, may tagal pa ang devolution ug kini kinahanglang dili mauwahi pa kay sa katapusang adlaw sa Fiscal Year 2024, segun sa Section 17 sa Local Government of 1991 ug uban pang mga balaod nga nagmandu niini.
Sa pagtimbang sa SP Committee on General Resolutions and Ordinances, nakita niini nga may gibug-aton ang hangyo sa LMP bohol ug SP Bukidnon aron suportahan ang ilang mga aghat sa Presidente.
Nunot niini, girekomendar sa Komitiba nga gipangunahan ni Board member Vierna Mae Boniel nga magpagawas ang SP og resolusyon sa pagsuporta sa Resolution No. 2022-04 sa LMP Bohol sa temporary nga pagsuspenso una sa pagpatuman sa full devolution aron kahatagan ug pagpalawom nga pagtuon ang full devolution of devolved functions sa Executive Branch ngadto sa mga LGUs.
Didto usab sa espesyal nga tigun pagtuki niini sila BM Vincenzo Arcamo, Budget Officer Peter Ross Retutal, DILG Provincial Director Jerome Gonzales ug SP Secretariat. (RAHC/PIA7 Bohol)
Comments
Post a Comment