TAGBILARAN CITY, Bohol, March 9 (PIA) -- Nakasakmit ang Department of Agriculture (DA), sa pakig-alayon sa mga partner agencies og 11 ka container vans sa gipalusot nga asukar nga nagkantidad og P 27. 3 milyones.
Kini subay sa mandu ni Presidente Ferdinand Marcos Jr. pagpalig-n sa kampanya sa agricultural smuggling,
Ang mga kargamento, gipadala ngadto sa usa ka Consumer Goods Trading nga gikan sa China, nasakmit human sa sunod sunod nga operasyon nga gipangulohan sa buhaton sa Assistant Secretary for DA Inspectorate and Enforcement (DA-IE) ug sa Manila International Container Port (MICP).
Sa anti- smuggling operations, ang DA-IE nakigtambayayong sa Philippine Coast Guard (PCG), Bureau of Customs (BOC), DA-Bureau of Plant Industry (BPI), ug sa Philippine Drug Enforcement Agency (PDEA).
Niadtong Pebrero 6, ilang gisusi ang tulo ka container vans ug nadiskubrehan ang P7. 44 - milyones nga kantidad sa refined white sugar, nga gideklarar isip spare parts sa motorsiklo.
Laing operasyon niadtong Pebrero 15, nakasakmit og P9.92 milyones nga refined white sugar human sa pag - inspeksyon sa upat ka container vans.
matud ni DA Assistant Secretary James Layug, aduna pay unom ka containers nga ipa ubos sa physical inspection. (Anna Kaye Madulara/PIA7 Bohol Student Intern)
Comments
Post a Comment