TAGBILARAN CITY, Bohol, March 15 (PIA) -- Ming-ubos na unta og 8.21% ang mga insidente sa sunod niadtong 2022, kon itandi sa 2021, apan gipilo sa makadaghan ang kadaut nga nahimo niini sa miaging tuig.
Segun sa taho sa Bureau of Fire Protection (BFP) Office of the Provincial Fire Marshal (OPFM), sa 2021, ang insedente sa sunog ming-abut sa 134, samtang sa 2022, aduna na lamay 123 ka sunog nga nataho ug nahitabo.
Kon sa tinamban nga pagkasulti, adunay us aka mataho nga sunog sa 2021 sa matag tulo ka adlaw, nga halos parehas usab sa pagkasunod nga tuig.
Apan matud sa gipaambit nga taho ni Fire Officer 1 Gian Paolo Dolotina, information officer sa OPFM sa Bohol, lahi ang gikapakita sa kinatibuk-ang damyos nga gilamoy sa sunog sa 2022.
Kon sa 2021, ang 134 ka insedente sa sunog, ang kadaut mingtilap sa 23,645,200.00, mas grabe ang sa 2022.
Segun pa sa BFP, anaa sa 99,599,334.00, o pagsaka nga ka tulo ka gatus kapin ka pilopilo ang nahitabo.
Tungod niini ug sa kadaut nga mahimong dala sa sunog, bisan pa kon kompleto na sa estasyonan sa kabomberohan ang tanang lungsod sa Bohol, matud ni Senior Fire Superintendent Servando Jumawid, mas maayo pa gyud gihapon nga walay sunog nga mahitabo.
BIsan pa kon makaresponde ang bombero sa usa ka sunog, kon dili niini maabtan ang krusyal nga unang lima ka minuto, kasagaran ugdaw gyud gihapon ang dangatan.
Ang usa ka firetrick o fire engine, mahimong mahurot na dayun ang iyang tubig sulod sa 10-20 minutos depende sa kakusgon sa pressure pagpasirit, ug manginahanglan usab og 20-30 minutos aron pun-on sa tubig.
Niini, kon mabiyaan sa bombero ang nasunogan, daku gayud ang tsansa nga ma-abo ang mga kabtangan. (RAHC/PIA7 Bohol)
Comments
Post a Comment