Gihimo ang opisyal nga seremonya sa pagpamakuna batok COVID-19 sa piling mga molupyo sa Cebu City isip paglusad sa National Vaccination Days: “Bakunahan Bakunahan” sa syudad. (PIA7)
CEBU CITY, Cebu, Nov. 29 (PIA) -- Adlawn’g Lunes, Nov. 29, gihimo ang opisyal nga seremonya sa pagpamakuna sa mga molupyo sa siyudad diin kini gipahigayon atubangan sa Cebu City Hall isip paglusad sa National Vaccination Days o gitawag nga “Bayanihan Bakunahan”.
Gipangulohan ni Cebu City Mayor Michael L. Rama ang maong kalihokan og gitambongan sa mga opisyales sa nagkalain-laing nasudnong ahensya sa gobyerno nga miyembro sa Regional Vaccination Operations Center (RVOC-7) Central Visayas sama sa Department of Health, Department of Education, Department of the Interior and Local Government, ug Philippine Information Agency (PIA-7).
Ang opisyal nga seremonya sa pagpabakuna nagpakita nga ang Cebu City andam na nga mopahigayon sa National Vaccination Days diin naglaom ang syudad nga makabakuna sa di moubos og 32,700 matag adlaw gikan sa pagsugod niini adlaw’ng Lunes, Nobiyembre 29 hangtod sa paghuman Miyerkules, December 1.
Ang Cebu City nagbutang og 91 ka mga vaccination sites sa nagkalain-laing barangay kung diin ipahigayon ang sub-sub nga pagpamakuna aron mapaspasan ang pagkab-ot sa syudad sa herd immunity.
Sa impormasyon gikan sa Cebu City Health Department ug RVOC-7, as of Nov. 29, 2021, aduna nay kapin sa 506,000 nga mga molupyo sa Cebu City ang naturokan na og 1st dose sa bakuna batok COVID-19 og naa napud sa 413,000 kapin ang naka kompleto na sa ilang ikaduhang dose sa bakuna diin kini naglangkob sa sobra 50 porsiyento sa kwalipikadong populasyon sa syudad. (RGC/PIA7)
Comments
Post a Comment