TAGBILARAN CITY, Bohol, Nov. 18 (PIA) -- Gihimo nang requirement sa pagkakaron sa mga magtutudlo ug non-teaching personnel nga moapil sa limitadong face-to-face classes sa mga kolehiyo ug unibersidad ang pagparehistro sa PhilHealth, matud pa sa Commission on Higher Education (CHED).
Matud pa sa pahayag ni CHED Executive Director IV Atty. Cinderella Jaro, kining lakang magseguro nga kun masakit man sa coronavirus disease (COVID-19) ang usa ka magtutudlo o non-teaching personnel, may madawat siyang mga benepisyo gikan sa PhilHealth.
“Isa po sa requirement namin ay dapat registered sa PhilHealth ang ating teaching and non-teaching personnel o kaya naman yung mga students natin na magpa-participate sa limited face-to-face classes. Para kung sakali po na sila ay magkaroon ng COVID, meron na pong benefits na ino-offer ang PhilHealth. So yung PhilHealth po ang kumbaga sasagot para doon sa mga benefits na nalalaan sa kanila kung sakaling sila ay magkaroon ng COVID,” matud pa ni Jaro.
Giingong pinaagi niining sitwasyon, ang PhilHealth na ang motubag sa ilang mga panginahanglanon kun mataptan sa COVID-19.
Samtang niingon usab si Jaro nga angay aduna usab isolation facilities ang mga kolehiyo ug unibersidad nga mosalmot sa face-to-face classes.
Kinahanglan nga mopaubos usab sa disinfection ang mga classrooms kun adunay magpositibo sa COVID-19.
Alang sa mga magtutudlo ug estudyante, miingon si Jaro nga angay magpakita usab sila og pagmatuod nga bakunado na sila batok COVID-19 aron mosalmot sa in-person classes. (ECB/PIA7 Bohol)
Comments
Post a Comment