DOLE miganti P50 mil sa Cantagay labing hawod nga panginabuhian

 KAPIN SA P11 MILYONES. Matud pa ni Jagna Mayor Joseph Rañola, kapin sa 11 milyones ang pundo nga gitagak sa Department of Labor and Employment ngadto sa lungsod sa Jagna, pruweba sa walay puas nga pagtutok sa kagamhanan sa mga kabus. (PIA Bohol)

JAGNA, Bohol, Nov. 10 (PIA) -- Gitunol sa Department of Labor and Employment (DOLE) ngadto sa Cantagay Women’s Organization ang P50 mil isip premyo sa pagdaug sa Labing Maayong Panginabuhian nga gitabangan sa DOLE sa tibuok rehiyon, atul sa gipahigayon nga Duterte Legacy caravan, Nobyembre 9. 

Mismo si DOLE Bohol Officer In Charge Angelie Salgados kauban sa mga taga DOLE, local officials pinagulohan ni Mayor Joseph Rañola ug Presidential Communications Operations Office (PCOO) Assistant Secretary Jusan Vincent Arcena ang mitunol sa cheke ngadto sa tinugyanan sa Cantagay Womens Organization sa yano nga seremonyas atul sa pasalamat sa katawhan ngadto sa Presidente sa iyang mga programa nga nabati sa katawhan.

Kahinumduman nga ang Duterte Legacy Caravan nga gipaiugdahan sa PCOO naghimo sa "Inform, Inform, Inform" nga programa sa mga kalungsuran sa Bohol gikan niadtong Lunes ug hangtud na sa Huwebes.

Didto sa Duterte Legacy Caravan, nahimong bida ang mga benepisaryo nga nakasinati og kahamugaway sa nga proyekto nga gipatuman sa ilawom sa administrasyon ni Duterte.

Sa laing bahin, ubos sa DOLE Administrative Order No. 32, Series of 2020 – gipatuman na sa DOLE ang Kabuhayan Awards: Ang paghatag og pasidungod sa mga labing maayong proyektong panginabuhian nga gitabangan sa DOLE.

Ilawom niini ang nga espesyal nga pasidungog nga ihatag sa mga DOLE regional offices, mga Livelihood Focal Persons, ug sa mga LGUs nga mad dili kasarangan nga nakab-ut sa nagkadaiyang kategorya.

Lakip niini ang Top Performing Regions sa pagpatuman sa Proyektong Panginabuhian, Top 3 Performing Regions sa pagpatuman sa labing malungtaron nga dugokan sa panginabuhian o Sustainable Livelihood Framework Implementation.

Labing maayong Video Documentation; Labing Hawod nga Livelihood Focal Person- Regional Level ug Provincial/Field Office’s Level; Labing Maayong LGU nga nagpatuman sa DOLE Integrated Livelihood Program.

Labing maayong accredited co-partner sa pagpatuman sa DILP; ug sa Pagpasidungog sa PESO Managers sa nasudnong mga mananaug sa labing maayong Proyektong Panginabuhian nga gitabangan sa DOLE.

Ang Cantagay Women's Organization maoy naghimo sa gibantug na nga Maize Kape, natukod niadtong 2005 ug may kasamtangan nga 27 ka mga sakop.

Napundohan sila sa DOLE, ug kini nga tabang nakahatag sa ilang gamay nga negosyo sa panginabuhian sa matag sakop, gwas pa nga nagkatag og katagbaw sa mga katawhan nga mangape sa dili pa mopalawod aron mangisda.

Sa ilang nakab-ut nga pasidungog, mihatag usab ang lungsod og P20 mil agio g dugang pag-pahalipay sa mga kababayen-an nga naghugpong aron madasig sa pagpamaayo pa sa ilang produkto. (RAHC/PIA7 Bohol)