Bood Integrated Bus Terminal naghatag kapanarbaho-an, kanegosyohan

 

TUPAD NA PANGARAP. Natagamtam sa mga mapasalamaton nga Bol-anon ang mga benepisyo nga nakapahimong mas hamugaway ang ilang kinabuhi ug nakapa-asnat kanila gikan sa kalisud, sukad nga napatuman ni Presidente Rodrigo Duterte ang iyang saad sa mas hamugaway nga kinabuhi sa mga Pilipino. (RAHC/PIA7 Bohol)

UBAY, Bohol, Nov. 10 (PIA) -- Nakasulod og trabaho ang mga propesyonal nga estambay, samtang kon mahuman ang gitukod nga mga estraktura, mahimong makanegosyo na usab ang mga buopt magnegosyo.

Kini duha lamang sa halapad nga kaayohan nga dala sa gipatukod nga Bood Integrated Bus Terminal (BIBT), usa ka multi-million nga pasilidad nga gitukod sa Riverside Bood, Ubay, Bohol ug gipundohan sa kagamhanan.

Si Ernel Maboloc, usa sa gatusan ka mga trabahante nga nakasulod sa trabaho sa pagpatukod sa higante nga estraktura sa Bood Ubay, mibutyag nga sa mga pagsugod lang sa trabaho, daghan nan ga kinabuhi ug pamilya nga napakaon ug gibuhi sa nagpadayong pagkonstrak.

Ang mga tinugyanan sa Ubay kauban ni Mayor Constantino Reyes ug Bise Mayor Victor Bonghano, ang pagpagawas sa bus terminal gikan sa sentro sa lungsod, makapaluag sa dagayday sa trapiko sa sentro sa nahisgutang dapit, samtang maghatag og dugang lugar sa lungsod nga mamuhunan pa og dugang sa lugar nga mabakante.

Ang pagpabalihin sa Bus Terminal ngadto sa gawas, magpasabut usab sa katukoran sa usa ka hignate nga inaptan nga estraktura o gambalay, nga manginahanglan og liboan ka trabahante ug laing  liboan ka mga sakop sa banay nga mahatagan og kasaligang tinubdan sa kita ug pagkaon.

Matud ni Maboloc didto sa Duterte Legacy caravan nga gidala sa Presidential Communications Operations Office (PCOO) didto sa Ubay, Nobyembre 10, ang higante nga proyekto nga magpausab sa dagway sa Ubay, usa sa liboan ka mga proyektong natukod ubos sa Build, Build, Build ni Presidente Rodrigo Roa Duterte.

“Ang mga wala’y trabaho, pwede na makatrabaho, ang mga gusto nga magnegosyo, makanegosyo,” saysay ni Maboloc.

Gawas sa BIBT, nakabenepisyo usab ang Ubay sa Build, Build, Build sa administrasyong Duterte sa napa-ayo nga pantalan sa lungsod, sa napanindot nga pantalan sa Tapal, sa Bag-ong Irrigation System sa Benliw, ug sa sementado nga kadalanan gikan sa San Roque Mabini ngadto sa Biabas ug Sinandigan, ug ang Gabi Ubay paingon sa Bayongan San Miguel.

Kining tanan dili mahimo kon wala sa program ani Presidente Duterte, ni Kalihim Mark Villar sa Department of Public Works and Highways, sa pagpaningkamot ni District Engineer Magiting Cruz, sa paningkamot ni Mayor Constantino Reyes, ug sa pagtugot usab sa Kapitan sa Bood Ambrosio Ondoy Dasoc,” pahayag ni Maboloc atubangan sa 40 ka mga kapitanes nga mitambong sa Caravan.

Didto usab ron mopadayag sa ilang mga pasalamat ni Presidente Rodrigo Duterte ug sa iyang administrasyon sila  Isidra Donghil, usa ka sakop sa Pantawid Pamilyang Pilipino Program, ug si Florame Rojo, benepisaryo sa Department of Labor and Employment (DOLE) Special Program for the Employment of Students. (RAHC/PIA-7/Bohol)