Balaod sa libre nga matrikula, legasiya ni Duterte sa TMC

 

SALAMAT SA FREE TUITION. Hasta ang eskwelahan sa lungsod, ang Trinidad Municipal College (TMC) nga kanhi gisustentohan sa mga opisyal sa lungsod, karon naghatag na og kita human napatuman ang Free Tuition Fee nga programa ni Presidente Duterte. (PIA Bohol)

TRINIDAD, Bohol, Nov. 10 (PIA) -- Gikan sa usa ka eskwelahan nga giabonohan perm sa mga local nga  opisyales sa lungsod, karon ang Trinidad Municipal College (TMC) mao nay naghatag og dugang ng akita sa lungsod, taho ni Mayor Judith Cajes sa Trinidad. 

Didto sa Dueterte Legacy Caravan nga  gipangunahan ni Presidential Communications Operations Office Assistant Secretary Jusan Vincent Arcena, malipayon nga gitaho sa babayeng mayor nga nakapangalagad na sa 12 ka tuig isip mayor nga ang pagbukas sa kagamhanan sa libre nga tuition fees sa mga estudyante sa kolehiyo, nagpa-usab sa kahimtang sa tunghaan nga kanhi may pipila lamang ka estudyante.  

Atubangan usab sa mga kapitanes ug pipila ka mga katawhan sa lungsod, gibutyag sa babayeng mayor nga ang ilang napili nga local enterprise sa pagpatukod sa Trinidad Municipal College (TMC) nahimo nga mas profitable sa napagawas nga balaod sa panahon ni Presidente Rodrigo Duterte nga Libre nga matrikula sa kolehiyo,

Gikan sa pipila lamang ka enrolees, napasugdan sa lungod pinaagi sa paggiya ni school Administrator Roberto Cajes, aron mapahiluna ang pagdumala sa panudlanan sa eskwelahan nga gitumbok sa kanhi nga nanglabay nga opisyales nga kritikal sa pagpa-ugmad sa lungsod.

Ang TMC usa  na sa mga labing daku nga eskwelahan sa kolehiyo nga gipanag-iya sa usa ka distrito, palapad sa mayor.

Samtang mahimong kami usa lamang ka gamay kon itandi sa mga dagkong eskwelahan nga gipanag-iya sa mga LGUs, daghan nakita og mga graduates nga malampuson na sa ilang kinabuhi, matud sa mayor.

Nagpabansiwag sa enrolees nga miabut na sa 6,409 karon, bag-ong annex site ang tukoran sa dugang pang mga panginahanglan sa edukasyon, ilabi na sa nagkadaghan nga enrollees.

Kritikal sa tanan, segun pa sa saysay sa mayor mao ang pagpagawas sa Libre nga matrikula sa kolehiyo.

Ang Republic Act 10931, o mas nailhan nga Universal Access to Quality Tertiary Education Act napahimong balaod niadtong Agusto 2017 pinaagi ni Presidente Rodrigo Duterte.

Kini nga balaod magtanyag sa mga kabus nga Pilipino nga mga estudyante, sa kahigayunan nga makahuman og kurso sa kolehiyo pinaagi sa libre nga matrikula ug uban pang balayronon sa sulod sa mga natumbok nga mga pangpublikong mga  tunghaan.

Ang pagpalibre sa tuition fees sa kolehiyo, usa sa mga dinagkong kabilin nga proyekto ni Duterte ug tungod niini, daghan kaayong salamat, matud sa mayor. (RAHC/PIA7 Bohol)